Gibalhin na sa North Atlantic Treaty Organization kon NATO ang ilang mga personnel gikan sa Iraq ngadto sa Italy tungod sa nagpadayong tensyon ug seguridad nga kahimtang sa rehiyon.
Gihimo ang desisyon human makasinati og daghang pag-atake ang NATO Mission Iraq sukad nagsugod ang giyera nga naglambigit sa Iran.
Nahimutang ang ilang military base sa Green Zone sa Baghdad, duol sa embahada sa Estados Unidos.
Padayon gihapon ang operasyon sa NATO pinaagi sa pagbalhin niini sa Naples, Italy, diin magpadayon sila sa pagtabang sa Iraq aron mapalig-on ang usa ka lig-on ug epektibong security institution.
Sa pahayag, nagpasalamat si Alexus Grynkewich, ang Supreme Allied Commander sa Europe, sa gobyerno sa Iraq ug sa mga kaalyado nga mitabang aron masiguro ang hapsay ug luwas nga pagbalhin sa mga personnel sa NATO.
Photo Courtesy:Atlaspress.news
