Gibutyag ni SFO1 Jonathan M. Cornejo, Chief of Operations sa President Roxas Fire Station, nga padayon ang ilang kampanya sa fire prevention ug kanunay nilang ginapahinumduman ang katawhan sa kaluwasan batok sa sunog nga responsibilidad sa tanan.
Sumala niini, kasagaran wala hatagi’g igong pagtagad ang fire safety, busa ilang gidasig ang publiko nga magbantay sa ilang palibot ug dayong i-report ang bisan unsang posibleng fire hazard.
Dugang pa ni Cornejo nga kung kaya sa mga residente nga aksyunan ang gagmay nga risgo, mahimo nila kini buhaton, apan kung dili na makaya, kinahanglan dayong motawag sa mga eksperto aron malikayan ang dako nga sunog sa komunidad.
Nag-awhag usab ang BFP sa tanang lungsuranon nga magtinabangay aron mapadayon ang kaluwasan ug malikayan ang kadaot nga dala sa sunog.
Photo Courtesy: BFP PRES. ROXAS
