Alayon sa obserba sa World TB Day, subling nanawagan ang Department of Health–Metro Manila Center for Health Development ngadto sa publiko nga dili baliwalaon ang sintomas sa tuberculosis og sayo nga magpa-screening aron mapugngan ang pagkuyanap sa sakti og daghang maluwas nga kinabuhi.
Nasuta sa datos gikan sa Epidemiology Bureau’s Integrated Tuberculosis Information System nga 101,807 ka kaso sa TB ang natala sa National Capital Region (NCR) as of Pebrero 16.
Ang maong ihap nagtuklod sa mga health authorities nga mas pahugtan pa ang paningkamot sa sayu nga detection, paspas nga pagtambal og paglikay sa maong sakit.
Gitumbok sa Department of Health–Metro Manila Center for Health Development nga bisna og ang TB nagpabiling nag-unang sakit sa Pilipinas, matambalan og maulian ang pasyente niini ilabina kung nasayran sa sayu pa nga panahon.
Segon ni Department of Health–Metro Manila Center for Health Development Regional Director Lester Tan nga dili dapat kahadlokan ang TB tungod kay dunay mga serbisyong naka-andam alng niini.
Giawhag sa ahensya ang mga tawo nga makasinati og mga sintomas sama sa ubo nga molungtad og duha ka semana o labaw pa, kasakit sa dughan, hilanat, kahuyang, pagpangsingot sa gabii, ug dili masabtan nga pagkunhod sa timbang nga magpakonsulta dayon sa pinakaduol nga health center.
Lakip sa mga libreng serbisyo sama sa diagnostic testing og kumpletong pagtambal ang anaa na sa mga pampublikong pasilidad alang sa panglawas.
Photo Courtesy:Live Science
