Gikinahanglan na matod pa nga matul-id ang depektibong sistema sa pag-project sa koleksyon sa Local Finance Committee sa Misamis Oriental, human gipagawas sa Commission on Audit ang report nga nagpakita og inconsistency sa koleksyon sa lalawigan.
Matod ni Rommel Maslog, chairman sa Committee on Finance sa Sangguniang Panlalawigan, base sa report sa COA, sulod sa tulo ka tuig wala sukad nga nagtakdo ang projected collection ug ang actual collection sa probinsya.
Dugang pa ni Maslog nga ang ilang pagcalibrate sa budget sa lalawigan nahimong “coincidental” nga nasuportahan sa findings sa COA, nga nagpakita sa panginahanglan sa mas tukmang pagplano ug pagbana-bana sa kita sa probinsya.
Gilauman nga pinaagi sa pag-ayo sa sistema, mas mapalig-on ang fiscal planning ug masiguro ang epektibong pagdumala sa pondo alang sa mga programa ug serbisyo sa katawhan.
