Opisyal nang giablihan ang Northern Mindanao Regional Athletic Association (NMRAA) Meet 2026 niadtong Marso 19, 2026 sa may Bukidnon Sports & Cultural Complex barangay Laguitas Malaybalay City.
Uban sa tema nga “One Region, One Dream: Inspiring Excellence, Igniting Resilience,” gisalmotan ang kalihukan sa mga student-athletes gikan sa 5 ka probinsya duha sa syudad sa rehiyon kansang nagpakita sa kahinam ug pasigarbo sa ilang girepresentahan nga lugar pinaagi sa parada ug saludo.
Dinapit nga namulong sa programa mismo si Senator Juan Miguel Zubiri kinsa gipalanog ang iyang pasigarbo nga ang dakong event gipahigayon sa Bukidnon kung asa dinhi maoy perfect venue alang sa pagtrain ug mga atletang posibleng mohatag garbo sa tibuok kalibutan.
Gitataw sa senator nga ang “World Class Athletes deserves World Class facilities” diin isip usa ka atleta kaniadto sa Arnis, sayod niya ang kalisod kung kulang ang pasilidad ug suporta kanila busa gitukod ang maong Bukidnon Sports Complex aron mahimong training hub sa Northern Mindanao.
Gipasalamatan usab sa senator ang Department of Education sa pagsalig nga Bukidnon maoy host niining dakong event, ug gilaoman dinhi sab makapahigayon sa Palarong Pambansa sa sunod higayon.
Gitapos ang maong adlaw pinaagi sa mabulokong Pyro Musical Display nga naghatag lingaw sa tanan.
Photo Courtesy: Mykar Events
