Gitudlo ni Presidente Ferdinand Marcos Jr. ang kanhi DENR Secretary nga si Maria Antonia Yulo-Loyzaga isip Special Envoy for Disaster Risk Reduction and Management (DRRM).
Si Yulo-Loyzaga nanumpa ni Presidente Marcos niadtong Miyerkules sa Malacañang Palace. Atol sa seremonyas sa pagpanumpa, gipahalipayan sa Presidente si Yulo-Loyzaga sa iyang bag-ong buluhaton ug gipasalamatan siya sa pagdawat sa responsibilidad.
Gipasiugda usab niya ang halapad nga kasinatian sa opisyal sa natad sa disaster resilience management.
Gipahayag ni Presidente Marcos ang iyang hingpit nga suporta kang Yulo-Loyzaga sa pagpalambo sa mga programa sa administrasyon nga may kalabotan sa climate action, paggamit sa renewable energy, ug pagpalig-on sa disaster risk reduction sa nasud.
Ang Presidente miingon nga masaligon siya nga ang bag-ong special envoy magpadayon sa maayong environmental management ug makatabang sa pagtukod og mas lig-on ug andam sa kalamidad nga Pilipinas.
Si Yulo-Loyzaga nagsilbi isip Kalihim sa Department of Environment and Natural Resources (DENR) gikan sa 2022 hangtod 2025.
Photo Courtesy: Rolling Stone Philippines
