Gipasabot ni Noel Nacion, Regional Communications Officer sa Social Security System (SSS), ang kamahinungdanon sa social protection alang sa tanang empleyado sa gobyerno lakip na ang mga nagserbisyo sa LGU, BLGU, Provincial Office ug National Government Agencies.
Sumala ni Nacion, bisan pa man nga ang mga regular nga empleyado adunay proteksyon ubos sa GSIS, importante gihapon nga masabtan ug mapalapdan ang social protection system aron matabangan ang tanang klase sa trabahante.
Gidugang usab niini nga ang mga Job Order (JO) ug contractual nga empleyado kinahanglan usab hatagan og igong benepisyo ug proteksyon ug lakip niini ang benepisyo kung magkasakit, magbuntis, ma-disable, motigulang o moabot sa panahon sa pagpahulay sa trabaho.
Dugang pa ni Nacion nga ang social protection dili lamang usa ka benepisyo kondili usa ka panginahanglan aron masiguro ang kaayohan ug kaluwasan sa matag empleyado, hilabi na sa mga walay permanenteng trabaho sa gobyerno.
Photo Courtesy: SSS latest Info
