Moabot sa 17,000 ka mga personahe ang ipakatap sa Philippine Coast Guard (PCG) sa tibuok nasud alang sa Oplan Biyaheng Ayos : Semana Santa 2026.
Kini aron masiguro ang kaluwasan ug segurdad sa dagat sa taliwa sa gilauman nga pagdagsa sa mga pasahero gikan sa Marso 28 hangtud sa Abril 5, 2026.
Subay niini, gimanduan ni PCG Commandant Admiral Ronnie Gil Gavan ang tanang coast guard districts, stations, sub-station, nga mopasaka sab sa alerto ug palig-unon ang pagbantay sa mga passenger vessel, pantalan, ug nautical highways.
Gawas niini, andam na sab ang search and rescue untis, medical teams, ug deployable response groups nga magbantay aron dali nga makaresponde sa maritime emergencies.
Makigkoordinar sab ang PCG ngadto sa mga lokal nga kagamhanan ug lifeguards aron palig-unon ang pagbantay sa kaluwasan sa mga beach ug maritime recreation sites.
Photo Courtesy: Philippine Information Agency
