Giakusahan ni US President Donald Trump nga gagamit ang Iran og artificial intelligence o AI aron magpakatag og peke nga impormasyon bahin sa tinuod nga kahimtang sa kasamtangan nga gyera.
Sumala kang Trump, delikado ang paggamit sa AI tungod pwede mapeke ang mga litrato o tinuod nga balita. Sa usa ka post sa iyang social media platform nga Truth Social, giakusahan usab niya ang pipila ka Western media nga matod pa nagpakatap og AI-generated nga balita nga pabor sa Iran, apan wala siyay gipresentar nga ebidensiya niini.
Dugang ni Trump nga lakip sa gigamitan ug AI ang giingong pagpakita sa Iran og mga “kamikaze boats” nga wala nakasugakod sa pwersa sa USA. Giingon usab niya nga ang picture diin dunay rally nga makita ang kapin 250,000 ka tawo sa Iran giingong hinimo lang sa AI.
Apan sumala sa report, tinuod nga adunay mga video nga nisuporta sa mga balita gikan sa Iran ug duna usab matod pay mga rally sa Tehran diin makita usab ang daghang tawo bisan pa walay saktong ihap kung nikabat ba kini ug 250,000.
Photo Courtesy: Al Jazeera
