Nagpahigayon og first quarter Joint Special Action Committee meeting ang Police Regional Office 12 niadtong Marso 16, 2026 sa The Farm at Carpenter Hill aron mapalig-on ang kampanya batok sa kriminalidad ug masiguro ang kaluwasan sa publiko sa tibuok rehiyon sa SOCCSKSARGEN.
Gipangunahan ang panagkatigom ni Arnold P. Ardiente, Regional Director sa PRO 12, uban sa mga representante gikan sa lain-laing ahensya sa gobyerno ug mga partner nga sektor nga nagtinabangay sa pagtan-aw sa kalinaw ug kahapsay sa rehiyon.
Sa maong miting, gihisgutan ang mga bag-ong update ug mga plano sa kampanya batok sa krimen, mga lakang batok sa mga walhong grupo, pagpugong sa violent extremism, ug mga programa sa public safety sa mga komunidad.
Gipasabot sa PRO 12 nga importante ang padayon nga panagtinabangay, bilayloay ug impormasyon, ug lig-on nga koordinasyon tali sa kapulisan, local government units ug ubang ahensya aron mapadayon ang kalinaw ug kahapsay sa rehiyon.
