Nipailaom sa medical operation sa Singapore ang Megastar nga si Sharon Cuneta human halos duha ka tuig nga nag-antos sa grabeng kasakit sa iyang hawak ug tiil. Gibutyag kini sa aktres pinaagi sa iyang Instagram post.
Matod ni Sharon, mitravel siya sa Singapore dili para magbakasyon o mag-vlog kondili alang sa medical procedure sa iyang spine. Dugay na siyang nagpa-pain management tungod sa sakit sa iyang right hip ug leg, ug didto siya nagpahimo og operasyon aron matambalan ang hinungdan sa maong problema.
Bisan og mas maayo na ang iyang kahimtang karon, nagpadayon gihapon siya sa recovery. Dugang pa niya nga kinahanglan pa siyang mobalik sa Singapore sulod sa pipila ka bulan tungod kay adunay nakita nga problema usab sa iyang liog, partikular sa C4&5 ug C5&6 nga bahin sa spine nga kinahanglan pa ug pagpaalim.
Photo courtesy: Philstar
