Nakaapekto karon ang kusog nga hangin sa amihan sa kahimtang sa mga pananom sa Baguio City ug sa ubang uma sa lalawigan sa Benguet.
Tungod sa bugnaw nga temperatura, adunay mga tanom nga natabunan og nipis nga yelo o “frost” nga mahimong makadaot sa pipila ka klase sa utanon.
Sumala sa Philippine Atmospheric, Geophysical and Astronomical Services Administration o PAGASA, ang amihan nagdala og kusog nga hangin ug bugnaw nga klima sa amihanang bahin sa Pilipinas.
Kini maoy hinungdan nga mas moubos ang temperatura sa mga lugar nga adunay taas nga bahin sama sa Baguio ug Benguet.Tungod niini, naapektuhan ang pipila ka pananom sama sa repolyo, carrots, ug lettuce nga kasagarang gitanom sa mga uma sa kabukiran.
Sumala pa nga kung magpadayon ang frost sa mga dahon sa tanom, posible kini malaya o madaot kung dili dayon matunaw ang yelo sa buntag.
Bisan pa sa hagit nga dala sa amihan, nagpadayon ang mga mag-uuma sa ilang pag-atiman sa pananom pinaagi sa pag-spray og tubig ug pagtabon sa mga tanom aron malikayan ang kadaot.
Naglaum ang mga mag-uuma nga magpadayon gihapon ang produksyon sa utanon aron masiguro ang suplay sa merkado.
Photo courtesy : Philippine News Agency
