Gipatuman sa Malaybalay City aron makapaminus sa konsumo sa kuryente ug krudo subay sa mando sa nasudnong gobyerno.
Matod ni Mayor Jay Warren Pabillaran, sa exclusive nga pakighinabi ning sibyahan ang maong lakang pinasikad sa executive order nga gipakanaog sa Malacañang kansang nagmando sa mga ahensya sa gobyerno nga magpatuman og mga pamaagi aron makaminus sa fuel ug electric consumption.
Taliwala sa maong kamanduan, wala gisunod sa dakbayan ang 4-day workweek nga gisugyot sa ubang ahensya sa gobyerno ug nagpadayon gihapon ang normal nga oras sa trabaho sa City Hall gikan alas-8 sa buntag hangtod alas-5 sa hapon, Lunes hangtod Biyernes.
Gipahugtan usab ang paggamit sa air conditioning units sa City Hall, diin base sa palisiya, alas-9 sa buntag paandaron ang aircon ug ipalong kini alas-4 sa hapon, samtang ang temperatura ibutang sa 21 hangtod 23 degrees Celsius. Gihunong usab sa lokal nga gobyerno ang paghatag og fuel assistance o fuel solicitation tungod sa padayon nga pagsaka sa presyo sa gasolina ug krudo nga anaa na kapin ₱70 kapin matag litro.
Alayon niini, giawhag sa Mayor ang publiko nga magpakabana ug mosabot sa kasamtangang sitwasyon, ilabina kay imported ang tanang gasolina ug krudo nga gigamit sa nasod, ug ang presyo nakabase sa world market
Photo Courtesy: LGU Malaybalay
