Gipasalig ni Cebu Provincial Governor Pamela Baricuatro nga walay gitawag og “backdoor negotiation” sa giplanong Php211-M nga settlement tali sa Kapitolyo sa Sugbo ug sa cement manufacturer nga APO Land and Quarry Corporation, kalabot sa Php1.2 bilyones nga tax dispute.
Migawas ang maong pamahayag sa gobernadora human nga adunay dili opisyal nga report nga namasangil sa iyang administrasyon nga naghatag matod pa og special treatment sa kompanya.
Sumala ni Baricuatro, klaro ug transparent ang proseso sa negosasyon ug walay gitagoan nga kasabutan.
Gihagit usab sa gobernador ang Provincial Board nga magpabiling bukas ug transparent sa ilang deliberasyon bahin sa maong settlement aron masayran sa publiko ang tinuod nga kahimtang sa isyu.
