Nipahinumdom ang Maritime Industry Authority (MARINA) ngadto sa tanang shipping company nga mosubay sa lagda usa mopatuman og pagsaka sa pletehan ug kargamento.
Matod ni Marina Spokesman Dir. Lusito Delos Santos, obligasyon sa mga shipping company nga mopasa una og abiso sa ilang buhatan ug publiko.
Dugang ni Delos Santos nga bisan regulated ang transportasyon sa dagat sa nasud, kinahanglan nga makabaton una og 14-days notice ang mga kompaniya usa mopatuman og dugang sa pletehan.
Subay niini, gibantayan sa MARINA ang bisan unsang price adjustment sa mga shipping company aron masiguro nga patas ang kumpetisyon ug dili maabusoran ang mga pasahero.
Sa pagkakaron, gidawat sa MARINA ang hangyo nga 17-20 % nga dugang sa pletehan nunot sab sa pagtaas ng presyo sa produktong petrolyo.
Mipahimangno sab kini ngadto sa mga kompaniya nga kung molapas sa gitakdang pagsaka sa pletehan mahimo kining manubag ubos sa balaod sa Marina.
