Andam na ang Philippine National Police (PNP) alang sa posibleng protesta karong adlawa, Marso 11, sa pagmarka sa unang tuig sukad nga gidakop ug na detainee sa The Hague si kanhi Presidente Rodrigo Duterte.
Matod ni PNP Chief Gen. Jose Melencio Nartatez Jr. nga nakit-an sa social media monitoring ang mga post diin nag-awhag nga mohimo og dakong motorcade rally nga maggikan sa EDSA paingon ngadto sa Villamor Air Base sa kaulohan.
Mipahimangno sab si Nartatez ngadto sa kapulisan sa Metro Manila ug Davao City nga mag-andam sa kanunay sa bisan unsang klase sa kalihokan og nihangyo sab kini sa publiko ug sa mga nagplano nga magporotesta nga magpakita sa disiplina og sundon ang direktiba sa mga awtoridad.
Photo Courtesy: Philippine News Agency
