Mahimong mapili ang bag-ong Supreme Leader sa Iran sulod sa mosunod nga 24 oras, sumala ni Ayatollah Mozaffari, miyembro sa Assembly of Experts sa nasod, base sa report sa state-affiliated Fars News Agency.
Matod ni Mozaffari, ang 88 ka senior clerics sa Assembly of Experts mapailubong nagpaabot alang sa sesyon diin pilion na ang bag-ong lider sa Iran.
Sa pagkakaron, wala pa’y nahitabong pormal nga pagpili sa mosunod nga lider sa nasod ug nihangyo sa publiko nga dili mag-speculate o magpakatag og sayop nga impormasyon.
Samtang, ning bahad na sab si US President Donald Trump nga, nga ilang atakehon ang Iran karong weekend, diin adunay bag-ong dapit matod pa sa nasod nga makasinati og grabeng kadaot ug posibleng kamatayon.
Wala usab nagpapugong ang Tehran diin gipahayag niini nga motubag sila sa Amerika kung pananglit mosamot pa ang tensyon, ilabi na sa mga bag-ong US assets.
Kini nga bag-ong escalation nahitabo human sa pagpangayo og pasaylo ni Iran President Masoud Pezeshkian ngadto sa mga silingang Gulf states nga nakasinati og mga pag-atake, bisan pa man og nisaad kini nga motubag sa mga dapit diin naggikan ang mga pag-atake sa US.
Kalabot niini, gi-report ni Iranian UN Ambassador Amir Saeid Iravani nga niabot na matud pa sa kinatibuk-ang 1,332 ka sibilyan ang nakalas sa nagpadayong pagpamomba sa Israel ug Estados Unidos sa Iran samtang liboan ang naangol.
Photo courtesy: Dimsum Leader
