Gipailawom sa minor eye surgery ang aktres nga si Andrea del Rosario human makasinati og problema sa iyang mata nga gikaingong resulta sa paggamit og fake eyelashes. Sumala sa aktres, aduna siyay nabate sa iyang mata nga posibleng misangpot sa impeksyon rason nga iya dayon gi-aksyonan.
Gibutyag ni Andrea nga posible nga gikan sa hugaw o dili limpyo nga makeup tools ug brushes ang iyang gigamit labina sa pagbutang sa artificial lashes. Tungod niini, gipasidaan niya ang publiko nga sigurohon kanunay nga limpyo ang mga gamit sa makeup aron malikayan ang parehas nga problema sa iyang mata.
Sa pagkakaron, maayo na ang kahimtang sa aktres human sa operasyon. Gigamit ni Andrea ang iyang kasinatian aron pahimangnoan ang mga mahilig magbutang og fake lashes nga likayan ang dugay nga pagsul-ob niini ug tangtangon dayon sa dili pa matulog aron malikayan ang impeksyon sa mata.
Photo Courtesy: Andrea del Rosario
