Sa pinakaunang higayon, usa ka robot electrician ang nakahimo sa pag-ayo sa usa ka 10-kilovolt (kV) nga live powerline nga wala gipalong ang suplay sa kuryente sa maong lugar.
Ang maong robot gimugna pinaagi sa panagtinabangay sa Hubei Electric Power Research Institute ug State Grid Wuhan Power Supply Company sa China aron makatabang sa pag-ayo sa mga linya sa kuryente nga delikado kaayo para sa mga tawo.
Gamit ang laser cutting technology, nahimo sa robot ang pag-ayo sa insulation wire, pag-kabit sa mga kable, ug paghugot sa mga koneksyon sa linya sa kuryente nga walay sayop o human error. Matod ni Wu Xin, kaya sa robot nga molihok bisan sa komplikado nga mga wiring environment nga kasagarang lisod ug peligroso trabahuon sa mga electrician.
Tungod sa bag-ong teknolohiya, malikayan ang peligro sa electrocution ug maprotektahan ang kinabuhi sa mga trabahante. Nagpakita kini nga ang modernong teknolohiya ug automation padayon nga nagpalambo sa sektor sa enerhiya pinaagi sa paghatag ug mas luwas ug episyenteng paagi sa pag-ayo sa mga linya sa kuryente
Photo Courtesy: Reddit
