Gipasalig sa Department of Energy (DOE) nga ang fuel discount programs para sa mga motorista magpadayon, bisan pa sa pagsaka sa presyo sa lana tungod sa tensyon sa Middle East.
Sumala sa DOE, nakig-alayon sila sa mga kompanya sa lana aron masiguro nga ang mga programa sama sa designated discount days, loyalty cards, ug uban pang espesyal nga mga promo mapadayon.
Kini para sa mga drayber sa public utility vehicle (PUV), mga drayber sa Transport Network Vehicle Service (TNVS), mga delivery rider, ug uban pang mga motorista
Sa lain bahin nipasidaan ang DOE sa mga motorista ug mga konsumidor sa gasolina nga mag-atobang sa labing dakong pagsaka sa presyo sa mga produktong petrolyo karong semanaha, Gasoline: Php11.00 – Php13.00/L , Diesel: Php22.00 – Php24.00/L , Kerosene: Php33.00 – P36.00/L
Mas taas kini kay sa hiniusang pagsaka sa presyo sa lana sa miaging mga semana. Ang gipaabot nga pagtaas tungod sa padayon nga pagtaas sa presyo sa krudo sa tibuok kalibutan nga merkado, labi na tungod sa mga tensyon sa Middle East ug mga kabalaka sa supply chain.
Photo Courtesy: Gulf News.ph
