Wala na kaikyas pa sa mga otoridad ang usa ka indibidwal human nadakpan atol sa gikasang operasyon sa Purok Mangga, Brgy. Bato-Bato, San Isidro, Davao Oriental niadtong Marso 8, 2026.
Ang operasyon gihimo sa mga personahe sa Mati City Police Station uban ang laing mga operatiba nga nagresulta sa pagkasikop ni alyas “Del”, 42-anyos, usa ka mag-uuma, gikonsiderang Top 2 Provincial Level Most Wanted Person ug residente sa Martinez, Brgy. Dahican, Mati City.
Ang suspek nadakpan pinaagi sa pagpatuman sa Warrant of Arrest alang sa kasong Rape through Sexual Assault nga giisyu sa korte ug walay pyansang girekomendar alang sa iyang temporaryong kagawasan.
Sa pagkakaron ang dinakpan gikustodiya na sa Mati City Police Station alang sa tukmang disposisyon.
Photo Courtesy: Mati City Police Station
