Giila sa Guinness World Records ang usa ka Malaysian nga lalaki human nga nakaangkon ug 42 nga ngipon sa iyang baba nga mas labaw pa sa 10 kung itandi sa kasagarang 32 ka ngipon sa usa ka tawo.
Giila ang maong lalaki nga si Prathab Muniandy, 33-anyos, diin iyang gibutyag nga nagsugod ang talagsaong kahimtang niadtong 2021.
Gani, natuboan pa gayud ug laing upat ka ngipon niadtong 2023 nga nagresulta na sa 42 ka ngipon. Matod pa ni Muniandy nga nagtubo iyang ngipon ug diretso ug walay komplikasyon nga nahitabo ug wala usab kini naghatag kaniya ug problema.
Tungod niini, opisyal siyang gihatagan ug titulo sa Guinness World Records alang sa most teeth in a person’s mouth sa lalaki nga categorya.
Photo Courtesy: Dental Daily
