Gitun-an nga itaas sa mga trucker hangtod 50% ang rate o singil ngadto sa ilang mga kliyente aron matubag ang nagkadakong gastos.Taliwala sa gilaumang pagtaas sa presyo sa mga produktong petrolyo sa musunod nga semana.
Matod ni Mary Zapata, Presidente sa Confederation of Truckers Association of the Philippines (CTAP), kung mapatuman ug dayon ang gibana-bana nga pagsaka nga moabot sa Php90 ang presyo sa matag litro, wala silay mahimo kundi magtaas na lang sa ilang singil.
Gawas matod pa sa petrolyo, motaas sab ang laing mga galastuhan sama sa spareparts, ligid ug lana. Dugang ni Zapata bisan suspendihon sa gobyerno ang excise tax sa lana magtaas usab ang singil kay dili gihapon kini paigo sa posibleng pagtaas sa presyo sa mga produktong petrolyo.
Photo Courtesy:interfreight logistics co., Ltd
