Nagplano ang Philippine National Oil Company (PNOC) nga mopalit og 1 milyon ka bariles nga diesel aron mahimong government reserve ug makatabang sa pagsaka sa presyo sa lana tungod sa tensyon sa Middle East, sumala sa Department of Energy (DOE).
Matod ni DOE Oil Industry Management Bureau Director Rino Abad, ibaligya gihapon kini pinaagi sa mga oil companies, apan isip government reserve, aron dili magsalig lamang sa pribadong sektor sa suplay. Giingon niya nga ang presyo sa reserba ipahamtang sa cost lang, walay profit markup.
Gibanabana nga ang panginahanglan sa nasud sa diesel moabot og 200,000 ka bariles kada adlaw, busa ang 1 milyong bariles mahimong molungtad og lima ka adlaw.
Alayon niini, nagkig-istorya pa ang DOE sa mga oil companies alang sa staggered o hinay-hinay nga pagsaka sa presyo sa fuel sugod sunod semana aron mapagaan ang epekto sa publiko.
Giingon usab ni Abad nga ang fuel subsidies sa Department of Agriculture ug Department of Transportationposibleng ma-release sa Abril depende sa presyo sa Dubai crude, samtang ang mga oil companies nagpangayo nga magpadayon sa discount promos alang sa mga motorista.
Sa laing bahin, giingon sa Land Transportation Franchising and Regulatory Board (LTFRB) nga posibleng i-grant ang provisional fare hike sa PUVs kung moabot ang presyo sa diesel og P60 kada litro, apan mahimong kuhaon dayon kung mubaba ang presyo.
Photo Courtesy: Dreamstime.com
