Gikataho kagahapong adlawa, Miyerkules nga usa ka grupo sa civil society ang misang-at ug ethics complaint batok kang Senador Ronald dela Rosa atubangan mismo sa Senate Committee on Ethics and Privileges kini human sa giingong prolonged absence from official duties.
Kahibaloan nga ang grupo naglakip kang kanhi Finance Undersecretary Cielo Magno ug kanhi magbabalaod nga si Barry Gutierrez.
Gani, sumala pa nila nga ang padayon nga kapakyasan sa usa ka senador sa pagtambong sa sesyon nagpakita sa pagpasagad sa katungdanan ug pag-abuso sa pribilehiyo nga gihatag sa katawhang Pilipino.
Kahinumdoman nga wala na misalmot si Dela Rosa sa mga plenary session sa Senate of the Philippines sukad niadtong Nobiyembre 11, 2025, human nga gipahibalo ni Jesus Crispin Remulla nga ang International Criminal Court (ICC) nag-isyu kang Bato ug warrant of arrest.
Nasayran nga giingong kauban si Bato sa crimes against humanity nga gisusi sa ICC maykalabutan sa kampanya batok sa illegal nga droga ni kanhi Presidente Rodrigo Duterte.
Photo Courtesy: Vera files
