Moabot sa 5 million ka mga pamilya nga Pilipino ang makadawat og tig-60 ka kilo nga bugas matag tuig gikan sa gobyerno pinaagi sa Local Government Support Fund (LGSF). Tumong niini nga matabangan ang mga kabus nga pamilya ug masiguro ang ilang pagkaon, labi na sa panahon sa kalisod sa ekonomiya.
Gawas sa ayuda nga bugas, pondohan usab sa LGSF ang pagtukod og mga ospital ug health stations sa nagkalain-laing lokal nga panggamhanan aron mapalambo ang serbisyo sa panglawas sa komunidad.
Apil usab sa programa ang pagtukod og mga multi-purpose halls ug sports facilities nga mahimong magamit isip evacuation centers kon adunay kalamidad sama sa bagyo o linog.
Suportahan usab sa pondo ang paghimo ug pag-ayo sa mga farm-to-market roads ug ubang lokal nga kalsada aron mas paspas ang transportasyon sa mga produkto gikan sa kabukiran padulong sa merkado.
Gipahibalo usab nga adunay pondo alang sa water supply systems ug mga proyektong elektripikasyon aron mas daghang komunidad ang makabenepisyo sa limpyo nga tubig ug kuryente.
Ang maong programa kabahin sa padayon nga paningkamot sa administrasyon sa pagpaayo sa kahimtang sa kinabuhi sa katawhang Pilipino pinaagi sa direktang ayuda ug mga proyekto sa lokal nga kalamboan.
Photo courtesy: PIA
