Lakip sa susihon atol sa impeachment ni VP Sara Duterta ang kalabot sa wa mapasabot nga bahandi, pagtabon sa mga natangtang nga detalye sa Statements of Assets, Liabilities and Net Worth (SALNs) giingong lig-on nga ebidensiya aron manubag sa ikaupat nga impeachment complaint nga gisang-at batok kaniya sa Kamara.
Kini maoy gipahibawo ni Deputy Speaker Paolo Ortega V sa La Union kinsa niinsistir nga usa kini ka seryuso ug makapabalaka nga alegasyon nga nagtukmod kaniya sa pag-endorso sa ikaupat nga reklamo batok kang VP Duterte.
Si Ortega ug Manila Rep. Bienvenido Abante mi-endorso sa impeachment complaint nga gisang-at ni Atty. Nathaniel Cabrera niadtong Miyerkules sa gabii.
Matod sa reklamo, si Duterte adunay bahandi nga dili motakdo sa iyang legal nga kita, busa kinahanglan nga susihon ang mga rekord sa bangko ug mga transaksyon sa kabtangan sa Bise Presidente.
Gihisgotan usab ni Ortega ang gipanumpaan nga pahayag ni Ramil Madriaga nga nagdetalye sa paglihok sa minilyon nga dolyar sa duffel bags ug ang pag-in cash sa mga tseke sa confidential ug intelligence funds sa Office of the Vice President (OVP) ug DepEd.
Photo courtesy: PIA
