Gitutokan sa City Planning and Development Office (CPDO) sa City Mayor’s Office Iligan, ang mga lakang sa pagsulbad sa problema sa basura sa syudad sa Iligan pinaagi sa lain-laing mga inisyatiba sa lokal nga panggamhanan.
Sumala ni Environmental Planner Elsa Maquiling, ang CPDO Coordinator, nga sugdan na ang safe closure ug rehabilitation sa existing nga dumpsite nga nahimutang sa Barangay Bonbonon, aron mabatunan pag-usab ang kalimpyo sa lugar ug magamit pa kini sa laing nga katuyoan.
Dugang ni Maquiling nga nakapasar na sa evaluation assessment ang 22 ka ektarya nga sanitary landfill, ug nagkinahanglan na lamang kini og hustong development aron hingpit na gayud magamit isip opisyal nga pasilidad sa pagdumala sa basura sa dakbayan.
