Gi-anunsyo na ni Vice President Sara Duterte nga modagan siya isip Presidente sa umaabot nga 2028 national elections.
Atol sa press conference kagahapong adlawa, klarong gipahayag ni Duterte ang iyang desisyon nga mosulod sa presidential race, nga giingong usa ka lakang aron ipadayon ang iyang nasugdan nga mga programa ug serbisyo sa katawhan.
Wala pa niya gihatag ang dugang detalye kabahin sa iyang plataporma, apan iyang gipadayag nga magpokus siya sa kalig-on sa ekonomiya, disiplina sa gobyerno, ug pagpalig-on sa serbisyo publiko.
Gipaabot usab niya ang iyang pasalamat sa suporta sa iyang mga kaalyado ug sa katawhan, samtang nangayo usab og pag-ampo ug suporta sa iyang pagpaningkamot alang sa nasud.
Samtang nagkaduol ang 2028 elections, gilauman nga mas modaghan pa ang mga kandidato nga magpahibalo sa ilang pagdagan sa nasudnong pwesto.
Photo Courtesy: Al Jazeera
