Nag-una ang pagpanuhol nga klase sa korapsyon sa nasud. Base sa ulahing survey sa OCTA Research nga pito sa matag 10 ka mga Pilipino kun 73% ang nitubag og bribery isip labing katap nga korapsiyon sa Pilipinas.
Sunod niini ang iregularidad sa paggasto sa pondo nga gitubag sa 66% nga mga respondents. Samtang 62% ang niingon nga vote buying ug 54% ang dugay nga pagsibog sa hustisya.
Matod sa survey sa OCTA nga nahitabo ang mga giingong klase sa korapsiyon sa tanang socioeconomic groups sa lukop nasud nga nagpakita nga lapad ang korapsiyon nga nakaapekto sa pang adlaw-adlaw nga panginabuhi.
Sa giingong survey gihimug-atan sa OCTA ang panginahanglan sa mas strikto nga lakang kontra korapsyon sama sa transparency ug paggamit sa digitalization aron malikayan ang sayop nga paggamit sa pondo sa nasud.
Photo Courtesy: Korapsyon
