Mokabat na sa walo ang ihap sa mga namatay human sa kusog nga pagbuto sa usa ka fireworks store sa probinsya sa Jiangsu sa China, atol sa preparasyon sa pagsugat sa Lunar New Year.
Duha pa ka indibidwal ang gitaho nga nasamdan ug gidala dayon sa ospital alang sa pagtambal.
Ang insidente hinungdan usab sa sunog nga dali nga napalong sa mga mirespondeng bombero.
Base sa inisyal nga imbestigasyon nasuta nga ang pagbuto naggikan sa storage area sa establisemento diin gitipigan ang mga fireworks.
Samtang giklaro sab kung gilapas ba ang mga safety protocol o kung adunay ubang mga hinungdan nga nakatampo sa insidente.
Nagpadayag na ang lokal nga gobyerno sa ilang pahasubo sa mga pamilya sa mga biktima ug nagpasalig nga usa ka hingpit nga imbestigasyon ang pagahimuon aron mahibal-an ang responsibilidad, kung aduna man.
Padayon nga gisusi sa mga awtoridad ang lugar sa insidente samtang giawhag ang publiko nga mosunod sa kasamtangang mga balaod ug regulasyon sa kaluwasan bahin sa pagdumala ug pagtipig sa mga pabuto.
Photo Courtesy: SCMP
