Mokabat sa 67 units sa Patient Transport Vehicles (PTVs) nga gipondohan sa Provincial Government of Bukidnon ang dugang giturn-over ngadto sa mga kabarangayan atol sa Blessing & Turnover Ceremony niadtong Pebrero 16, 2026, sa Kaamulan Capitol Grounds, Malaybalay City
Mikantidad sa ₱100,835,000.00 ang pondo sa maong PTV’s gikan sa Local Disaster Risk Reduction and Management Fund (LDRRMF) sa Provincial Disaster Risk Reduction and Management Office kung asa sa 464 barangays, diin anaa sa 367 barangays ang nakadawat.
Sa mensahe ni Governor Rogelio Neil P. Roque sa maong kalihokan gitataw ang kamahinungdanon sa pagbaton sa usa ka paspas ug episyente nga sistema sa pagtubag sa emerhensya ilabina sa mga panahon sa krisis, nga matag segundo hinungdanon ug ang mga sakyanan usa ka bahin sa estratehiya aron maluwas ang mga kinabuhi ug mahatagan ang tukma sa panahon nga pag-atiman agig pagpasabot sa programa, alayon sa Universal Health Care Act nga nagpamatuod sa pasalig masiguro nga ang matag suok sa lalawigan adunay access sa serbisyong-medikal.
Sa maong higayon, gipadayag ni Punong Barangay Rosalinda Pagayon sa Kisawa, Kibawe nga dako kining tabang sa katawhan sa barangay sa panahon sa dinaliang pagbiyahe, sanglit anaa naman sila nahimutang sa utlanan sa Cotabato. Samtang, si Punong Barangay BillyMar Ricarte sa Sumpong, Malaybalay City gikalipay sab ug gipasalamatan ang maong inisyatiba tungod kay nakita sa probinsya ang labing gikinahanglan sa matag barangay.
Photo Courtesy: LGU BUKIDNON
