Giaprubahan sa mga magbabalaod sa Portugal ang usa ka bag-ong balaod nga nagtumong sa pagpugong sa paggamit sa social media sa mga batan-on nga nag-edad og 13 hangtod 16 anyos, nga adunay tumong nga mapanalipdan sila batok sa cyberbullying ug uban pang mga peligro sa online.
Sumala sa tagsulat sa balaodnon gikan sa Social Democratic Party (PSD), ang mga batan-on sa maong edad kinahanglan una nga mangayo og permiso sa ilang mga ginikanan sa dili pa sila makaparehistro o makagamit sa mga plataporma sa social media.
Ubos sa bag-ong palisiya, gamiton sa mga ginikanan ang publikong Digital Mobile Key (DMK) nga sistema aron magparehistro ug mag-awtorisar sa ilang mga anak sa social media. Ang DMK usa ka digital identity system nga gigamit sa nasud alang sa luwas nga pag-verify sa identidad sa mga serbisyo sa online.
Sumala sa mga tigpaluyo sa balaod, ang ingon nga mekanismo makatabang sa pagsiguro nga ang mga batan-on adunay giya gikan sa ilang mga ginikanan ug aron mas epektibo nga mapatuman ang kasamtangan nga mga regulasyon nga nagdili sa mga bata nga ubos sa 13 sa paggamit sa bisan unsang klase sa social media.
Naglaum ang mga magbabalaod nga kini nga lakang magpalig-on sa proteksyon sa mga batan-on sa digital nga palibot ug makunhuran ang posibilidad nga sila mahimong biktima sa online harassment ug exploitation
Photo Courtesy: THE RECORD
