Gitawag og suntok sa buwan ang sugyot sa kanhi opisyal sa Anti-Red Tape Authority o ARTA nga si Rabindranath Quilala sa pag-abolish sa Senado ug Kamara, apil ang mga lokal nga konseho, aron matod pa makatipid og hangtod ₱1 trilyon matag tuig ang nasud.
Sumala ni kanhi Bukidnon Board Member Atty. Jun Beltran, dili sayon buhaton ang maong sugyot tungod kay nagkinahanglan kini og taas ug komplikadong proseso sa pag-amiyenda sa Konstitusyon aron mabungkag ang Senado, Kamara, ug mga lokal nga konseho nga gitukod mismo sa Saligang Batas.
Matod pa ni Atty. Beltran, bisan pa man og nindot ug makadani ang tumong sa maong sugyot ilabina sa pagtipid sa pondo sa gobyerno, imposible kini matuman kung walay lig-on nga pagduso ug klarong suporta gikan sa kinabag-ang duot sa katawhang Pilipino.
Sa karon, ang maong sugyot nagpabiling usa ka ideya nga nag-awhag og diskusyon, apan daghan pa ang ligal ug demokratikong babag nga angay hunahunaon sa dili pa kini mahimong realidad.
Samtang gipaburan usab sa katawhan ang maong sugyot tungod sa kaylap nga korapsyon nga nasinatian sa nasud og aron mahanaw na ang mga korap nga mga magbabalaod nga nakahatag perwisyo og nakasamot sa kapobrehon sa katawhang pilipino.
Photo Courtesy: wikipedia
