Hingpit gipahunong ang ilegal nga operasyon pagmina Purok 2, hunting, Kibawe, Bukidnon. pinaagi sa hiniusang operasyon sa pagpatuman sa balaod nga gipangulohan sa Department of Environment and Natural Resources Region X (DENR X) pinaagi sa Community Environment and Natural Resources Office (CENRO) Don Carlos, sa koordinasyon sa Philippine National Police (PNP), National Commission for Culture and the Arts (NCCA), ug Presidential Anti-Organized Crime Commission (PAOCC),
Ang operasyon gihimo pinaagi sa usa ka balido nga search warrant nga giisyu ni Hon. Giovanni Alfred H. Navarro, Presiding Judge sa Regional Trial Court, 10th Judicial Region, Branch 18, Cagayan de Oro City.
Usa ka composite team nga gilangkuban sa mga personnel gikan sa DENR X-CENRO Don Carlos, PNP Maritime Region 10, PNP Regional Mobile Force Battalion 10, PNP Kibawe, NCCA, ug PAOCC ang nipahigayon sa enforcement activity.
Atol sa operasyon, usa ka tawo nga giila nga operator sa site ang nasikop. Nadiskobrehan sa mga awtoridad ang daghang pagpangubkob sa ilalom sa yuta nga natago pinaagi sa usa ka nagtakuban nga agianan, nga dayag nga gituyo aron malikayan ang pag-ila ug pagdumala sa regulasyon. Namatikdan usab sa mga imbestigador ang tinuyo nga pag-diversion sa duol nga sapa gamit ang plastic sheeting aron panalipdan ang lugar nga gikubkob, nga miresulta sa pagbag-o sa natural nga agianan sa tubig.
Gikumpirma sa dugang nga pag-inspeksyon nga ang operasyon gihimo nga wala ang gikinahanglan nga mga permiso ug balido nga dokumentasyon, nga nagpamatuod sa ilegal nga kinaiya niini.
Ang dinakpan gidala sa Kibawe Municipal Police Station alang sa dokumentasyon ug inquest proceedings tungod sa paglapas sa Section 48 sa Republic Act No. 10066, o ang National Cultural Heritage Act of 2009
Ang Munisipyo sa Kibawe opisyal nga giila isip usa ka archaeological site nga adunay nasudnong importansya ubos sa NCCA Board Resolution No. 2023-340, base sa mga rekord sa National Museum of the Philippines ug historical documentation sa bantogang arkeologo nga si Henry Otley Beyer.
Dugang pa, gigukod sa DENR X-CENRO Don Carlos ang posibleng mga paglapas sa Republic Act No. 9275, o ang Philippine Clean Water Act of 2004, ug Presidential Decree No. 1067, o ang Water Code of the Philippines, tungod sa kadaot sa kinaiyahan tungod sa dili awtorisadong pagpangubkob ug water diversion.
Photo Courtesy: PRO-X
