Patay ang mokabat sa siyam ka indibidwal sa usa ka bangis nga mass shooting sa usa ka tunghaan sa British Columbia sa Canada kaniadtong adlaw nga Martes, Pebrero 10.
Gikumpirma kini sa Royal Canadian Mounted Police. Ang suspek nga gunman napalgan usab nga wala nay kinabuhi ug gituohang “self-inflicted” ang naangkon nga samad. Base sa report, gihulagway sa giisyu nga alert nga ang suspek usa ka babaye nga nagsul-ob og dress ug brown ang buhok.
Unom ka patayng lawas sa mga biktima ang napalgan sa sulod sa Tumbler Ridge Secondary School, duha pa ang narekober duol sa usa ka residential property ug usa ang usa nakabsan sa kinabuhi samtang gidala sa ospital.
Tungod sa krimen, gisirad-an na ang Tumbler Ridge Secondary School ug Tumbler Ridge Elementary School sa tibuok semana.
Samtang, nagpaabot og pahasubo si British Columbia Premier David Eby sa mga pamilyang gibilin sa mga biktima sa makalilisang nga trahedya ug gipasalig ang suporta alang sa mga apektadong komunidad.
Photo courtesy: BBC
