Giprensentar sa media ang duha ka kanhi miyembro sa SRC 1, NCMRC nga boluntaryong misurender sa gobyerno niadtong Pebrero 4, 2026 sa Conference Room, H403Bde, Malaybalay City, Bukidnon. Ang kalihokan gipangulohan ni governor Rogelio Neil Roque , kauban sila Major General Michele B. Anayron Jr., Commander sa 4th Infantry Division, Philippine Army; Brigadier General Siegfred C. Tubalado, Commander sa 403rd Brigade; ug Lieutenant Colonel Jeorge R. Jallorina, Commanding Officer sa 8th Infantry Battalion (8IB).
Giila ang magtiayon nga sila Marren Ayuma Manseguiao @Richard/Makong, Finance Officer sa SRC 1, NCMRC, ug Nora Lamumay Manseguiao @Ensi, Finance Officer/SO sa SRC 1, NCMRC. Uban usab nilang nisurender si Micheal L. Fernandez @Pax, miyembro sa Squad 2, RSDG, Compaq, NCMRC.
Atol sa ilang pagsurender, ilang gitunol ang mga armas nga Duha ka M16 rifle, Duha ka M14 rifle, Usa ka Rocket Propelled Grenade (RPG), Usa ka AR-18 rifle, ug Usa ka M1 Garand rifle, diin ang ilang desisyon bunga sa ilang pag-ila sa kawalay kapuslanan sa armadong pakigbisog human sa daghang katuigan sa pagpuyo sa kalisod ug kakapoy sa kabukiran.
Sumala ni Major General Michele B. Anayron Jr., Commander sa 4th Infantry (Diamond) Division, nagkaminos na ang suplay sa NPA ug nagamay na usab ang ilang aktibong miyembro. “Daghan na ang andam nga monaog ug mobalik sa sabakan sa balaod aron magsugod pag-usab sa malinawon nga kinabuhi,” matod niya.
Ang pagsurender sa mga rebelde nahimong posible pinaagi sa paningkamot sa 8th Infantry Battalion ubos sa pagdumala ni Lieutenant Colonel Jeorge R. Jallorina, kauban ang suporta sa Task Force Oro, 4MIB, ug uban pang intelligence units. Ang maong kalihokan nagpadala ug lig-on nga mensahe nga andam ang gobyerno modawat ug motabang sa tanang gustong mobalik sa dalan sa kalinaw ug kalamboan.
