Giduso ni House Majority Leader Ferdinand Alexander Sandro Marcos, anak sa Presidente Ferdinand Bongbong Marcos Jr., ang balaodnon nga nagtumong sa prinsipyo nga walay trabaho, walay sweldo para sa mga myembro sa Kongreso.
Gisumite niadtong Enero 27 ang House Bill 7432, naglatid nga ang sweldo ug benepisyo sa mga kongresista base sa presensya ug partisipasyon sa plenaryo, committee hearings, ug uban pang opisyal nga kalihokan. Ang mga walay rason nga pag-absent walay sweldo.
Naglatid usab sa balaodnon ang silot para sa mga misconduct sama sa pagpanglimbong sa attendance records o pag-angkon og kompensasyon nga wala nagbuhat sa opisyal nga responsibilidad. Balido nga rason sa pag-absent naglakip sa sakit nga gisertipikahan sa doktor, authorized nga official representation, opisyal nga biyahe, ug gi-aprobahang leave.
Ipahibalo sa publiko ang attendance records aron mapalig-on ang transparency ug public trust. Pinaagi niini nga balaodnon, gipakita sa Kongreso ang commitment sa taas nga standard sa public service ug sa tinuod nga pag-alagad sa katawhan, samtang gi-awhag ang dali nga pag-aproba sa balaod.
Photo Courtesy: Wikipedia
