Gi-dismiss sa Department of Justice ang tulo ka excise tax cases batok sa contractor couple Sarah ug Curlee Discayatungod kay sila lamang ang mga buyers sa imported vehicles ug dili ang aktwal nga importer, sumala sa DOJ spokesperson Atty. Polo Martinez.
Ang tulo ka kaso, nga gisumite sa Bureau of Internal Revenue, naglakip sa wala mabayri nga excise taxes sa ilang imported vehicles nga naglangkob sa 2 ka Land Rover Range Rovers, 1 Cadillac Escalade, 2 Mercedes Benz, ug 1 Dodge Ram Rebel, nga narehistro sa ngalan sa magtiayon ug sa ilang kompanya nga St. Gerrard Construction.
Giingon ni Martinez nga ang excise tax ilalom sa balaod bayaran sa importer, ug nakita sa DOJ panel nga dili sila Sarah ug Curlee ang importer, busa dili sila liable sa wala mabayari nga excise taxes.
Samtang ang duha pa ka tax cases batok sa Discayas nga gisulti sa DOJ kaniadto wala pa gisampa sa Court of Tax Appeals. Giingon ni Martinez nga ang DOJ panel nakakita nga ang couple nagtago sa tinuod nilang income sa 2020 ug 2021 Income Tax Returns, busa kini nga kaso isasampa sa Court of Tax Appeals, nga adunay hurisdiksyon sa ingon nga mga kaso.
Photo Courtesy: Saksipinas
