Nakadaog isip grand champion sa South Korea’s Veiled Cup ang Filipina singer nga si Arabelle Dela Cruz, kinsa nailhan isip “Laguna Diva.” Sa iyang mensahe sa social media, mapasalamaton siyang mipasidungog sa Pilipinas ug sa tanang misuporta sa iyang panaw isip artista. Matod ni Arabelle, gihatag niya ang kadaugan sa iyang pamilya, mga higala, ug sa mga tawo nga wala moundang pagtuo kaniya bisan sa mga higayon nga napakyas siya sa ubang kompetisyon.
Gipakita ni Dela Cruz ang talagsaong talento pinaagi sa pag-awit sa “Feeling Good” ni Michael Bublé nga maoy naghatag kaniya og kadaugan batok sa ubang finalists gikan Thailand, Laos, ug South Korea. Ang resulta gibase sa global audience vote ug desisyon sa international judges.
Ang Veiled Cup mao ang unang edisyon nga giapilan sa lain-laing nasod, diin nagtago ang mga contestants luyo sa puti nga belo ug naggamit og alyas base sa ilang hometown.
Photo Courtesy: The Manila Times
