Gipaspasan sa Pakistan ug Iran ang deportasyon sa Afghan refugees, hinungdan nga milyon-milyon ang napugos mobalik sa Afghanistan, usa ka nasod nga nag-atubang og kakabus ug problema sa kalikupan.
Sumala sa International Organization for Migration (IOM), kapin sa 5 milyong Afghans ang mibalik sukad Septiyembre 2023, ug 3 milyon niini sa miaging tuig lang. Daghan sa mga mibalik dugay nang nagpuyo sa gawas ug karon kinahanglan magsugod pag-usab sa kinabuhi sa Afghanistan.
80 porsyento sa mga mibalik walay permanenteng puy-anan, ug daghang pamilya nag-ambit og lawak uban sa daghang miyembro. 11 porsyento lamang sa hamtong ang kompleto og trabaho, samtang ang buwanang kita $22–$147 ra. Kapin sa katunga sa mga panimalay walay lig-on nga kuryente, ug daghang kababayen-an ang lisod makakuha og limpyo nga tubig.
Matod sa gobyerno sa Afghanistan, kapin 3,000 ka luna na ang gipang-apod-apod sa mga mibalik, ug ginahatagan sila og transportasyon, SIM card, ug gamay nga kwarta sa pag-abot.
Photo Courtesy: Council on Foreign Relations
