Giawhag ni Senador Francis “Kiko” Panghilinan ang mga Local Government Units (LGUs) nga aktibong ipatuman ang Sagip Saka Act aron madugangan ang kita sa mga mag-uuma ug mangingisda pinaagi sa direktang pagpalit sa gobyerno sa ilang mga produkto.
Sa gipahigayong panagtigom uban ang 67 ka Mayors for Good Governance ug mga opisyal sa Department of Agriculture (DA). Gipasiugda ni Pangilinan ang importanteng papel sa mga lokal nga kagamhanan sa hingpit nga pagpatuman sa balaod nga gipasar niadtong 2019.
Kun asa ubos sa Sagip Saka Act, gitugotan ang mga ahensya sa gobyerno ug LGUs nga direktang makapalit og mga produkto gikan sa mga mag-uuma ug mangingisda nga dili moagi sa public bidding aron hingpit nga mawala ang papel sa middlemen ug madugangan ang kita sa mga mag-uuma ug mangingisda.
Gitataw sa senador nga ang mga LGU maoy nag-unang tigpatuman sa mga programa sa agrikultura tungod kay aduna silay katungod sa pagtubag sa mga panginahanglanon sa komunidad, ingon man ang importansya sa koordinasyon sa nasudnon ug lokal nga kagamhanan aron mabati sa mga mag-uuma ang benepisyo sa mga programa sa gobyerno, ilabina sa sektor sa agrikultura, nga dugay nang nakasinati og ubos nga kita.
Diin giinsiter usab sa maong Senador nga ang direkta nga pagpalit sa gobyerno gikan sa mga lokal nga mag-uuma nagsiguro nga ang pundo magpabilin sa komunidad, kun asa makatabang sa pagpalambo sa lokal nga ekonomiya ug pagsiguro sa long-term food security.
Photo Courtesy: Department of Agriculture
