Wala pa mahisgutan sa malacañang ang mga giduso nga pag-amendar sa 1987 Constitution. Sa kasamtanagan gitutokan ni PBBM, ang pagtubag sa mga isyu sa ekonomiya nasud, kini ang gibutyag ni Communications Undersecretary ug Palace Press Officer Atty. Claire Castro.
Kini agig tubag sa pamahayag ni Senate President Vicente “Tito” Sotto III nga suportahan niya ang planong amendaran ang 1987 Constitution kung duna man ugaling, sunod sa ruling sa Korte Suprema nga nagdeklara sa Articles of Impeachment batok kang Bise Presidente Sara Duterte isip unconstitutional.
Matod ni Sotto, magtigom sa mosunod nga mga semana ang liderato sa Kamara ug Senado aron hisgutan ang isyu ug miinsistir nga kini ra ang nakitang solusyon. “Apan kung duna na silay gihimong lakang bahin niini, tun-an kini sa Presidente,” dugang ni Castro.
Gipahibalo sa Korte Suprema niadtong Huwebes nga ang high tribunal “nagbalibad sa katapusan” (denied with finality), pinaagi sa usa ka unanimous vote, sa motion for reconsideration nga gipasaka sa Kamara nga nanawagan nga balit-aron ang desisyon sa pagdeklara sa Articles of Impeachment batok kang Duterte isip unconstitutional.
Photo courtesy: Philippine News Agency
