Mikunhod ang mga insidente sa cybercrime sa tuig 2025 tungod sa masaligan nga intervention sa PNP Regional Anti-Cybercrime Unit 10 (RACU 10) sa komunidad ilabina sa mga kabataan.
Gipahibalo ni PLtCol Casan Ali, OIC PNP RACU10, nga consistent ang ilang cyber patrolling ug ang ilang pag bisita sa mga komunidad apil na sa mga tunghaan ug pagpahigayon og orientation sa mga studyante kalabot na sa cybercrime ug unsaon kini nga malikayan. Gidugang pa ni LtCol Ali nga dapat e sumbong sa mga tao kung naay ilang mamatikdan nga aktibidad sa online nga maka duda aron masuta ang tinood nga tumong.
Mahinumdoman, lakip sa kalampusan nga nahimo sa PNP RACU10 ang pag entrap sa usa ka college student nga babae sa Brgy. Tablon sa Cagayan de Oro City nga nag-offer online og dental services.
Photo courtesy: PNP-Anti Cybercrime Group 10
