Subay sa nagpadayon nga search ang retrieval operation ang Philippine Coast Guard (PCG) nakarekober ug laing tulo ka mga patayng lawas sa nalunod nga M/V Trisha Kerstin 3 niadtong Dominggo, Pebrero 1, 2026.
Ang mga patayng lawas nga nakit-an sa PCG ihatod sa Zamboanga City alang sa pag-ila sa identipikasyon ug alang usab sa hustong disposisyon. Gikataho sa Philippine Coast Guard nga ang kinatibuk-ang ihap sa mga nangamatay misaka na ngadto sa 39, samtang ang ihap sa mga survivor nagpabilin gihapon sa 316.
Base sa Facebook post sa SAR team nga gilangkuban sa mga ahensiya sa gobyerno, local government units ug mga boluntaryong manangat, ilang narekober ang duha ka patayng lawas sa Baluk-Baluk Island ug usa niini sa Lantawan Island sa lalawigan sa Basilan.
Sa kasamtangan nagpadayon pa sa gihapon ang mga personahe sa PCG sa ilang pagpangita sa mga tawong nagpabiling nawala.
Kahinumdoman nga ang M/V Trisha Kerstin 3 adunay kinatibuk-ang 332 ka pasahero ug 277 ka tripulante dihang nibyahe kini sa Port sa Zamboanga City niadtong Enero 25 banda alas 9:20 sa gabii ug padulong unta sa Jolo, Sulu.
