Dakpan ang usa ka lalaki human malampusong search warrant operation sa mga awtoridad sa Barangay Central, Mati City, Davao Oriental niadtong nakalabay nga gabie.
Ang operasyon gikasa sa mga personahe sa Provincial Drug Enforcement Unit (PDEU)–Davao Oriental Police Provincial Office, kauban ang Davao Oriental Police Provincial Office Police Intelligence Unit, Mati City Police Station ug Davao Oriental Maritime Police nga miresulta sa pagkasikop ni alyas “Jaguar” nga gikonsiderang usa ka Top Priority Illegal Drug Personality.
Atol sa operasyon, narekober gikan sa suspetsado ang pipila ka pakete sa gituohang shabu nga gibana banaang adunay standard drug price nga Php136,000.00.
Sa kasamtangan ang dinakpan uban sa mga nakumpiskang ebidensya anaa na sa kustodiya na sa Mati City Police Station alang sa tukmang disposisyon ug mag atubang sa kasong paglapas sa RA 9165 (Comprehensive Dangerous Drugs Act of 2002).
