Nagpabilin pa ang state of food security emergency sa nasod may kalabotan sa suplay sa bugas samtang gipaabot pa ang pinal nga desisyon sa pag-amyenda sa Rice Tariffication Law (RTL).
Matod pa sa Department of Agriculture (DA) kinahanglan nga magpabiling epektibo ang maong deklarasyon aron siguradong madumala og tarong ang suplay ug panginahanglan sa bugas sa tibuok Pilipinas.
Gihulatan pa karon ang pagkapasar sa Rice Industry and Consumer Empowerment (RICE) Act. Ubos sa bag-ong balaod, tinguha nga ibalik ang gahom sa National Food Authority (NFA) sa pag-regulate sa merkado.
Gilangkuban kini sa: • Pag-inspeksyon sa mga bodega aron malikayan ang pagpanago og bugas (hoarding).• Pag-rehistro ug pag-supervise sa mga negosyante og bugas og ang • Pagsiguro nga lig-on ang presyo alang sa mga konsumidor ug patas ang kita alang sa mga mag-uuma.
Ang maong emergency status kabahin sa rekomendasyon sa National Price Coordinating Council aron maprotektahan ang nasod gikan sa kalit nga pagsaka sa presyo ug kakuwang sa stocks sa bugas.
Photo Courtesy:DA
