Gipaubos sa imbestigasyon sa National Bureau of Investigation (NBI) ang nikatap nga peke nga medical report nga adunay kalambigitan sa kahimtang panglawas ni Presidente Ferdinand “Bongbong” Marcos Jr.
Kini human nga nikatag sa social media ang giingong dokumento nga dali usab gilimod sa Malacañang ug sa St. Luke’s Medical Center.
Matod ni NBI Spokesperson Palmer Mallari nga nakigkoordinar na ang buhatan sa St. Luke’s Medical Center, ang tambalanan diin bag-ohay lang nibisita ang presidente.
Bisan og wala pa nipagawas og pormal nga direktiba ang palasyo, gimando na ni NBI Acting Director Lito Patria Magno ang paghimo og hugot nga imbestigasyon.
Lakip sa gihatagan og pagtagad sa NBI mao ang giunsa sa pagpakatap online ang giingong medical test result nga gitawag sa palasyo og peke ug posibleng kabahin sa usa ka destabilization effort.
Nauna nang giluwatan sa St. Luke’s Medical Center nga ang maong dokumento peke og hugot nilang gisunod ang patient confidentiality ug data privacy policies.
Photo Courtesy: Abogado
