Mipadayag sa ilang kasagmuyo ang pipila ka mga lomolopyo sa Barangay Pangdan, Dakbayan sa Naga, human matod pa nila nga walo na ka tuig ang milabay apan wala pa gihapon sila bayri sa ilang yuta nga gisaad sa Department of Public Works and Highways Region 7.
Sumala sa mga tag-iya sa yuta, ilang gitugotan ang DPWH sa paggamit sa ilang luna alang sa proyekto sa Metro Cebu Expressway, uban sa saad nga bayran sila sumala sa hustong kantidad. Apan hangtod karon, wala pay klarong bayad ni pormal nga kasabotan nga natuman.
Matod pa sa mga naapektuhan, naglisod na sila tungod kay wala na’y gamit ang ilang yuta samtang naghulat sa bayad. Ilang gihangyo ang DPWH nga hatagan sila og klarong tubag ug daling aksyon aron masulbad na ang maong isyu.
Nagpaabot ang mga hingtunhdan nga madungog ang ilang tingog ug matuman ang gisaad nga bayad sa labing dali nga panahon.
Photo Courtesy: Philippine News Agency
