Gihimakak sa St. Luke’s Medical Center, ang usa ka dokumento nga giingong naglangkob sa resulta sa medical test ni Presidente Ferdinand ‘Bongbong’ Marcos Jr.
Sumala pa sa ospital, peke ang nasangpit nga dokumento og gisunod nila ang data privacy ug confidentiality sa impormasyon sa ilang mga pasyente.
Ang bisan unsang medikal nga resulta o medikal nga mga dokumento nga makita online nga dili gikan sa nasangpit nga ospital, makonsiderar nga dili awtorisado o peke.
Ang pagpaambit sa medikal nga impormasyon sa bisan kinsa nga pasyente nga walay pagtugot, usa ka klaro nga paglapas sa data privacy ug polisiya sa ospital nga hugot nga gipatuman sa maong ospital.
Una nang gikompirmar sa Palasyo sa Malacañang, nga ang presidente gidala sa pribadong tambalanan sa Quezon City tungod sa sakit sa tiyan.
Gipahinumdoman sa tagdumala sa tambalanan ang publiko, nga magmabinantayon ug responsable sa ilang gibasa ug i-share online kay makahatag kini og kalibog sa uban.
Photo Courtesy: PCO
